به‌پێی هه‌واڵی کوردپرێس، غیاس سوورچى به‌ ماڵپه‌ڕى "سۆمه‌ریه‌نیوز"ى وتوووه‌ "له‌ کاتی گفتوگۆکان له‌ به‌غدا بۆ پێکهێنانی حکوومه‌تی نوێی عێراق یه‌کێتی 27 خاڵی پێشکه‌ش کردوووه‌ که‌ گرنگترینی ئه‌و خاڵانه‌ گه‌ڕانه‌وه‌ى پێشمه‌رگه‌ بۆ ناوچه‌ جێناكۆكه‌كان و ماده‌ى 140 و پشكى هه‌رێم له‌ بودجه ‌و هاوسه‌نگى له‌ ده‌زگاكانى ده‌وڵه‌ت ده‌بێت".

ناوبراو ئاماژه‌ى به‌وه‌ش داوه‌ یه‌كێتى ده‌رگاى بۆ هه‌ر هێزێک كراوه‌یه‌ و ئاره‌زووش ده‌كات سه‌رجه‌م لایه‌نه‌ كوردییه‌كان له‌و شانده‌دا به‌شدارى بكه‌ن كه‌ ده‌چێته‌ به‌غدا.

لێپرسراوی ڕاگه‌یاندنى مه‌ڵبه‌ندى یه‌كێتى له‌ مووسڵ ڕوونیشی كردۆته‌وه‌ ئه‌و لایه‌نانه‌ی كوردستان ده‌توانن ئه‌و خاڵانه‌ ببینن كه‌ دانراون، ئه‌گه‌ر ئاره‌زوویان بوو ده‌توانرێت به ‌جۆرێک ده‌ستكاری بكرێن له‌گه‌ڵ به‌رژه‌وه‌ندییه‌كانى كوردستاندا بگونجێن.

سه‌رچاوه‌: ڕادیۆ نه‌وا

کۆدی هه‌واڵنێر: 60103