به‌پێی هه‌واڵی کوردپرێس، ڕیاز به‌دران سه‌رۆكی‌ ئیداره‌ی‌ هه‌ڵبژاردنه‌كان له‌ كۆمسیۆنی‌ باڵا رایگه‌یاند: هه‌ڵبژاردنی‌ ئه‌نجومه‌نی‌ پارێزگاكان كه‌ بڕیاره‌ له‌ كانوونی‌ یه‌كه‌می‌ ئه‌مساڵدا به‌ڕێوه ‌بچێت پێویستی‌ به‌ چه‌ندین ڕێوشوێن و ئاماده‌كاری‌ هه‌یه‌ به‌ر له‌ ئه‌نجامدانی‌.

ناوبراو وتیشی‌: ماوه‌ی‌ زیاتر له‌ (3) مانگه‌‌ كۆمیسیۆنی‌ هه‌ڵبژاردنه‌كان په‌كی‌ كه‌وتوووه‌ و ئه‌مه‌ش به‌و مانایه‌ی‌ كه‌ هه‌ڵبژاردنی‌ ئه‌نجومه‌نی‌ پارێزگاكان له‌ واده‌ی‌ دیاریكراوی‌ خۆیدا كارێكی‌ ئه‌سته‌مه‌.

ڕیاز به‌دران ته‌ئكیدیشی كرده‌وه‌: ئه‌نجومه‌نی‌ كۆمیسیاران لانی‌كه‌م پێویستی‌ به‌ ماوه‌ی‌ (6) مانگ هه‌یه‌ پاش گه‌ڕانه‌وه‌ی بۆ سه‌ر كاره‌كانی‌ و گرتنه‌به‌ری‌ ڕێوشوێنی‌ پێویست و ئاماده‌كاریی‌ تایبه‌ت به‌ هه‌ڵبژاردنی‌ ئه‌نجومه‌نی‌ پارێزگاكانی‌ عێراق.

ناوبراو جه‌ختی کرده‌وه‌: دیاری كردنی‌ واده‌یێكی‌ نوێ بۆ ئه‌نجامدانی‌ هه‌ڵبژاردنی‌ ئه‌نجومه‌نی‌ پارێزگاكان له ‌نێوان كۆمیسیۆن و ئه‌نجومه‌نی‌ نوێنه‌راندا گفتوگۆی‌ له‌باره‌وه‌ ده‌كرێت له‌ خولی‌ نوێی‌ په‌رله‌مان.

سه‌رچاوه‌: سبه‌ی

کۆدی هه‌واڵنێر: 60103