کوردپرێس: له په‌یوه‌ندییه ته‌له‌فۆنییه‌كه‌دا وه‌زیری ده‌ره‌وه‌ی ئه‌مریکا و سه‌رۆک وه‌زیرانی عێراق و هه‌رێمی کوردستان دوا پێشهات و سه‌ركه‌وتنه‌كانی هێزه‌كانی سوپای عێراق و پێشمه‌رگه‌یان له دژی چه‌كدارانی داعش له ناوچه‌كه و هه‌نگاوه‌كانی پێكهێنانی كابینه‌ی نوێی حكوومه‌تی عێراقیان تاوتوێ كرد.
له به‌شێكی دیكه‌ی په‌یوه‌ندییه ته‌له‌فۆنییه‌كه‌دا باسیان له داواكارییه‌كانی هاووڵاتییانی عێراق كرد كه له خۆپیشاندانه‌كانى ئه‌م دواییه‌دا خرانه‌ڕوو و له‌وباره‌‌وه جه‌ختیان له‌سه‌ر جێبه‌جێ كردنی داواكارییه‌كان و فه‌راهه‌م كردنی ژیانێكی باشتر بۆ هاووڵاتییانی عێراق كرده‌وه.
پاراستنی قوربانیانی ده‌ستی تیرۆر و ئه‌وانه‌ی له ده‌ستی داعش ڕزگار كراون به‌تایبه‌تی کوردی ئێزدی و كریستیانه‌كان لایه‌نێكی دیكه‌ی په‌یوه‌ندییه ته‌له‌فۆنییه‌كه‌ی نێوان سه‌رۆک وه‌زیرانی عێراق و هه‌رێمی كوردستان و وه‌زیری ده‌ره‌وه‌ی ئه‌مریكا بوو.
کۆدی هه‌واڵنێر: 60103
Your Comment