بەپێی هەواڵی کوردپرێس، فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا بە ناس کوردیی ڕاگەیاند، "ئەنجومەنی وەزیرانی عێراق بە کۆی دەنگ بڕیاری دا بە ناردنی 200 ملیار دینار بۆ مووچەی ئەم مانگەی فەرمانبەرانی هەرێم و بەمنزیکانە پارەکە دەنێردرێت".

ناوبراو وتیشی، "ناردنی ئەو پارەیە تاوەکوو کۆتایی ئەمساڵ بەردەوام دەبێت و مسۆگەرە".

لەبارەی ترلیۆنێک و 200 ملیاری شەش مانگی سەرەتای ئەمساڵ، فارس عیسا ئاماژەی بەوەکرد، "لە کۆتایی ساڵ یاخود لەکاتی جێبەجێ کردنی یاسای بوودجە، گفتوگۆ لەسەر ئەوە دەکرێت و حساب دەکرێت ئەگەر هەر زیادەیێک بمێنێتەوە ئەوا بەغدا بۆ هەرێمی دەنێرێت، ئەگەریش حسابی بەغدا بکەوێتە لای هەرێم ئەوا هەرێم دەیداتەوە و تەسفیە حساب دەکرێت".

کۆدی هەواڵنێر: 60113