به‌پێی هه‌واڵی کوردپرێس، حه‌بیب ته‌رفی به هه‌واڵده‌ریی مه‌علوومه‌ی وتوووه: ڕه‌وتی حیکمه حه‌ز به پێکهێنانی ده‌وڵه‌تی زۆرینه ده‌کات و پێکهێنانی ده‌وڵه‌تێک به‌پێی پشکخوازی و شه‌راکه‌ت به‌شێک له بژارده‌کانی ئه‌و ڕه‌وته نابێت چوونکه به دڵنیایییه‌وه ده‌وڵه‌تێکی وا له به‌ڕێوه‌بردنی وڵات شکست ده‌خوات.
ناوبراو وتیشی: ڕه‌وتی حیکمه هه‌وڵه‌کانی چڕ ده‌کاته‌وه بۆ به‌شداری له ده‌وڵه‌تێک به‌پێی تایبه‌تمه‌ندی و ڕێنماییی مه‌رجه‌عییه‌تی باڵای ئایینی له عێراق.
حه‌بیب ته‌رفی جه‌خت له‌سه‌ر ئه‌وه ده‌کاته‌وه که عێراق پێویستی به ده‌وڵه‌ت و سه‌رۆک وه‌زیرانێک هه‌یه به‌و تایبه‌تمه‌ندییه‌ی که له‌لایه‌ن مه‌رجه‌عییه‌ته‌وه دیاری کراوه و ئاماژه به‌وه‌ش ده‌دات ئه‌گه‌ر ده‌وڵه‌تێکی وا به‌و تایبه‌تمه‌ندییانه پێک بهێنرێت ئه‌وا ڕه‌وتی حیکمه تێیدا به‌شداری ده‌کات ئه‌گینا ته‌ڤلی ئۆپۆزیسیۆن ده‌بێت.
کۆدی هه‌واڵنێر: 60103
Your Comment