بەپێی هەواڵی کوردپرێس، ساڵح گەرگەری، كارگێڕی مەڵبەندی شنگالی یەكێتی، ڕایگەیاند: حەشدی شەعبی بەفەرماندەیی عەلی كەرویی سەرجەم هێزەكانی لە شنگال و زومار و ڕەبیعە و عەیازیە كشانەوە و گواستراونەتەوە بۆ سەربازگەی سپایكەر لە پارێزگای سەڵاحەدین.

لەبارەی جێگرەوەشیان لەو ناوچانە، گەرگەری ئاشكرای كرد: هەریەک لە هێزەكانی فیرقەی 15 و هەرسێ لیوای 72، 73، 74 ی سوپای عێراق، لەو ناوچانە وەک جێگرەوەی حەشدی شەعبی ماون و دۆخی ئەمنیی ناوچەكەیان پێ سپێردراوە.

سەبارەت بەگەڕانەوەی پارتیش بۆ سنووری شنگال ئەو بەرپرسەی یەكێتی وتی: "جێگرەوەی حەشدی شەعبی دانراوە و هیچ قسەیێكیش لەسەر گەڕانەوەی هێزەكانی پارتی لە دوای پاشەكشەیان بۆ سنوورەكە نەكراوە".

سەرچاوە: تۆڕی هەواڵی سلێمانی

کۆدی هەواڵنێر: 60113