کوردپرێس:
ئاژانسی هەواڵی هابر 7 ڕایگەیاند تانری کۆلۆ نوێنەری ئەستەنبۆڵ لە پەڕلەمانی تورکیا لە پشکی جەهەپە وتوویەتی پێویستە زووتر قەشە ئەمریکییەکە ئازاد بکرێت ئەوەش پاش ئەوەی تیشکی خستە ململانێی نێوان ئەمریکا و تورکیا بە هۆی زیندانیکرانی ئەو قەشە ئەمریکییە.
ناوبراو زیادی کرد: ئەو قەشە ئەمریکییە ماوەی دوو ساڵە لە زیندانی تورکیادایە و تۆمەتی ناڕەوای خراوەتە پاڵ. پارێزەرەکانی ئەو قەشە ئەمریکییە دەناسم و برادەری منن. بەڕاستی تۆمەتەکانی ناڕەوا و بێبنەمان.
شیاوی ئاماژەیە پاستۆر برانسۆن قەشەی ئەمریکی پاش کوودەتای بێئەنجامەکەی 15ی تەمووز بە تۆمەتی سیخوڕی کردن بۆ فەتۆچییەکان لە ئیزمیری تورکیا دەستبەسەر کراوە.
Your Comment