به‌پێی هه‌واڵی کوردپرێس، ڕائد فه‌همی سه‌ركرده له هاوپه‌یمانیی سائروون ڕای‌گه‌یاندوووه: "موقته‌دا سه‌در چاوی به حه‌یده‌ر عه‌بادی و هادی عامری و حه‌كیم كه‌وتوووه بۆ گفتوگۆ كردن له‌سه‌ر پێكهێنانی هاوپه‌یمانیی سیاسی و پێكهێنانی حكوومه‌ت."
ناوبراو ڕوونیشی کردۆته‌وه: "له‌و دیدارانه‌دا خاڵه جه‌وهه‌رییه‌كان باس كراون و جه‌خت له پێكهێنانی حكوومه‌تێكی تۆكمه‌ی دژه‌گه‌نده‌ڵی كراوه."
ڕائد فه‌همی گوتیشی: "هه‌ر له‌و كۆبوونه‌وه‌یه‌دا به وردی ته‌واوی به‌رنامه و پێشنیار و بۆچوونی هه‌ر چوار لایه‌ن خراونه‌ته ڕوو بۆ ئه‌وه‌ی بتوانرێت گه‌وره‌ترین كوتله پێكبهێنرێت ئه‌گه‌رنا ئه‌وه هه‌ڵبژاردنی دووه‌م ده‌بێت كه به ئۆپۆزسیۆن بوونه."
ئه‌وه‌ی شایه‌نی وتنه ئه‌و كۆبوونه‌وه و دیدارانه به بێ مالكی بوووه كه سه‌رۆكی هاوپه‌یمانیی ده‌وڵه‌تی یاسایه و ماوه‌ی چه‌ند ڕۆژێكه له هه‌وڵدایه بۆ ئه‌وه‌ی له ڕێگه‌ی پێنج حزبه گه‌وره شیعییه‌كه‌وه گه‌وره‌ترین كوتله‌ی په‌رله‌مانی پێكبهێنێت.
کۆدی هه‌واڵنێر: 60103
Your Comment