به‌پێی هه‌واڵی کوردپرێس، کرمانج عه‌بدوڵڵا به‌رپرسی لقی مه‌خمووری پارتی به ماڵپه‌ڕی فه‌رمیی پارتی دیموکراتی کوردستانی ڕاگه‌یاند: "شه‌ڕه‌که له‌و کاته‌دا ڕووی داوه که ڕۆژی یه‌کشه‌ممه 5ی ئاب ھێزێکی پۆلیسی فیدڕاڵ له قه‌زای مه‌خمووره‌وه به‌ره‌و گونده‌کانی ناحیه‌ی قه‌راج چوونه و کاتێک گه‌یشتوونه‌ته گونده‌کانی عه‌لیه‌ڕه‌ش و گه‌لیه‌ڕه‌ش چه‌کدارانی تیرۆریستی داعش ھێرشیان کردوووه‌ته سه‌ر ھێزه‌که‌ی عێراق و له ئه‌نجامدا شه‌ڕ و پێکدادانی توند ڕووی داوه و زیانیشی ھه‌بوووه."
له ئه‌نجامی شه‌ڕی نێوان پۆلیسی عێراق و چه‌کدارانی داعش ژماره‌یێک چه‌کداری داعش کوژراون.
کرمانج عه‌بدوڵڵا ڕوونی کرده‌وه: "ئه‌و ناوچه‌یه پێگه‌ی داعشی تێدایه و پێشتریش ھێلانه‌یان بوووه، له‌به‌ر ئه‌وه‌ش ھه‌ر ھێزێک بچێته ئه‌و سنووره داعش به‌ره‌نگاری ده‌بنه‌وه و شه‌ڕ ڕوو ده‌دات."
سه‌رچاوه‌یێکی ماڵپه‌ڕی فه‌رمیی پارتی دیموکراتی کوردستان که نه‌یویست ناوی ببرێت، ده‌ڵێت: "ئه‌و سنووره که له ده‌یان گوند پێک ھاتوووه زیاتر له ژێر ده‌سه‌ڵاتی داعشدایه و ناوچه‌یێکی به‌رفراوانه و دوای گرتنه‌وه‌ی قه‌زای حه‌ویجه داعشه‌کانی نێوان مووسڵ و که‌رکووک زیاتر له بناری قه‌ره‌چۆخ و پێده‌شته‌کانی قه‌راج کۆ بوونه‌ته‌وه."
کۆدی هه‌واڵنێر: 60103
Your Comment