به‌پێی هه‌واڵی کوردپرێس، وته‌بێژی وه‌زاره‌تی ده‌ره‌وه‌ی ئێران ڕای‌گه‌یاند: "شاندێكی كونسووڵگه‌ری ئێرانی كه له 10 كه‌س پێكهاتوووه به مه‌به‌ستی ئه‌نجامدانی ڕێوشوێنی كونسووڵیه‌ت و نوێنه‌رایه‌تی سه‌ردانی سعوودیه‌یان كردوووه."
قاسمی گوتیشی: "ئێمه هیوامان وابوو شانده‌كه‌مان چالاكییه‌كانی له ته‌لاری كونسووڵخانه‌ی ئێران له ڕیاز ئه‌نجام بدات به‌ڵام دیاره دوابڕیار له‌سه‌ره ئه‌وه دراوه كه ئه‌ركه‌كه‌ی له باره‌گای نێردراوی حه‌جی ئێرانی ڕاپه‌ڕێنێت."
وته‌بێژی وه‌زاره‌تی ده‌ره‌وه‌ی ئێران ئاماژه‌ی به‌وه‌ش دا "له ماوه‌ی 8 مانگی ڕابردوودا كۆماری ئیسلامی له‌گه‌ڵ سویسرا رێككه‌وتوووه كه ئه‌و وڵاته ئه‌ركی پاراستنی به‌رژه‌وه‌ندییه‌كانی ئێران له سعوودیه له ئه‌ستۆ بگرێت."
قاسمی گوتی: "به‌ر له ته‌نیا 3 هه‌فته عه‌ره‌بستانی سعوودیه ڤیزای حه‌ج كردنی به حاجیانی ئێرانی داوه كه ماوه‌یێكی دوور و درێژ بوو ناوه‌كانیان تۆمار كردبوو."
سه‌رچاوه: میدیاکانی ئێران
کۆدی هه‌واڵنێر: 60103
Your Comment