کوردپرێس:

ئاژانسی هەواڵی "دۆغان" ڕایگەیاند: ڕەجەب تەیب ئەردۆغان سەرککۆماری تورکیا لە میتینگی هەڵبژاردن لە شاری غازی عەنتاب وتبووی "ئامانجی سەرەکیی ئێمە ئەوەیە پاش دەستەبەرکردنی ئاسایش لە سووریا، هاووڵاتییە سوورییەکان بنێرینەوە ماڵە خۆیان".

پاش ئەو لێدوانەی ئەردۆغان یەکەم هەنگاوی کرداری بەو فەرمانەی سەرۆکی ئیدارەی پەنابەرانی تورکیا هەڵگیرا و بەو پێیەش 5 کەمپی ئاوارە سوورییەکان داخرا.

3 کەمپی نەزپ، ئیسڵاحییە و قارقامیش 23 هەزار و 95 پەنابەری لە خۆ دەگرت، کەمپی ئادی یامان 8 هەزار و 627 پەنابەر و کەمپی میدیات 2 هەزار و 458 پەنابەری تێدا دەژیان و کۆی ئەو 5 کەمپە بە فەرمانەکەی سەرۆکی ئیدارەی پەنابەرانی تورکیا داخران.

بەگوێرەی ئەو خشتە زەمەنییەی ئیدارەی پەنابەرانی تورکیا ڕایگەیاندووە پەنابەرە سوورییەکان یەک مانگ دەرفەتیان دەبێت بۆ ئەوەی کەمپەکان چۆڵ بکەن.