به‌پێی هه‌واڵی کوردپرێس، ئیلهام ئه‌حمه‌د سه‌رۆکی ده‌سته‌ی جێبه‌جێکاریی ئه‌نجومه‌نی دیموکراتیکی سووریا ڕای‌گه‌یاندوووه‌ که‌ کۆبوونه‌وه‌کانیان له‌گه‌ڵ حکوومه‌تی سووریا باش بوووه‌ به‌ڵام ئه‌وان ناتوانن ته‌واوی هیواکانیان له‌سه‌ر ئه‌و کۆبوونه‌وانه‌ هه‌ڵچنن و هه‌موو کێشه‌کانیش له‌ ڕێگه‌ی ئه‌و کۆبوونه‌وانه‌ چاره‌سه‌ر ناکرێن.

ئیلهام ئه‌حمه‌د له‌باره‌ی ڕاده‌ست کردنی ناوچه‌کانیش ئاماژه‌ی به‌وه ‌دا ئه‌وان هیچ ناوچه‌یێک ڕاده‌ستی حکوومه‌تی سووریا ناکه‌نه‌وه‌ و گۆڕانکاریش له‌ سیسته‌می به‌ڕێوه‌بردنی خۆیاندا ناکه‌ن.

ناوبراو گوتیشی: "ده‌بێ هه‌وڵ بده‌ین بۆ پێشخستنی گفتوگۆكانمان چوونکه‌ ئه‌و پرسه‌ له‌سه‌ر سیسته‌می دیموکراسی سووریایه‌ و ده‌بێ حکوومه‌تی سووریا ده‌ستوورێکی هه‌بێت که‌ تێیدا هه‌موو پێکهاته‌کان و کوردیش تێیدا مافیان هه‌بێت."

ئه‌مه‌ له ‌كاتێكدایه 2018.07.26 شاندێکی ئه‌نجومه‌نی سووریای دیموکرات (مه‌سه‌ده‌) له‌ دیمه‌شقی پایته‌ختی سووریا له‌گه‌ڵ شاندی حکوومه‌ت کۆ بوونه‌وه‌ و له‌سه‌ر چه‌ند خاڵێک رێككه‌وتوون.

سه‌رچاوه‌: K24

کۆدی هه‌واڵنێر: 60103