بەپێی هەواڵی کوردپرێس، شێركۆ جه‌وده‌ت سه‌رۆكی لیژنه‌ی پیشه‌سازی و وزه له په‌رله‌مانی كوردستان دەڵێت: بڵاونه‌كردنه‌وه‌ی ئه‌و راپۆرتانه پێشێلكاریی یاسایی نه‌وت و گازی هه‌رێم و یاسای په‌رله‌مانه، له‌به‌ر ئه‌وه حكوومه‌تی هه‌رێم سه‌رپێچیی یاسایی ده‌كات كه زانیارییه‌كان بڵاو نه‌كاته‌وه.
ناوبراو وتیشی: "بڵاوكردنه‌وه‌ی راپۆرته‌كه له ئه‌ستۆی حكوومه‌تدایه، كۆمپانیاكه ته‌نیا كاری وردبینی ده‌كات، به‌ڵام له‌به‌رئه‌وه‌ی گرێبه‌ستی له‌گه‌ڵ حكوومه‌تدا كردووه و له‌ژێر ده‌ستی حكوومه‌تدایه، حكوومه‌ت كه پێی بڵێ بڵاوی مه‌كه‌ره‌وه ئه‌ویش بڵاوی ناكاته‌وه".
شێرکۆ جەودەت راشیگه‌یاند: ته‌نیا له حاڵه‌تێكدا زیان به‌ناوبانگی كۆمپانیاكه ده‌كه‌وێت كه خۆی رێگربێت له بڵاوكردنه‌وه‌ی ڕاپۆرته‌كان، به‌ڵام حكوومه‌ت خۆی به‌رپرسیاره له بڵاوكردنه‌وه‌ی راپۆرته‌كه.
به‌وته‌ی سه‌رۆكی لیژنه‌ی پیشه‌سازی و وزه له په‌رله‌مانی كوردستان یه‌كێک له هۆكاری ئاڵۆزبوونی په‌یوه‌ندییه سیاسییه‌كان، په‌رتوبڵاوبوونی یه‌كڕیزی نیشتمانی، ململانێی سیاسی ناو هه‌رێمی كوردستان، هۆكاره‌كه‌ی ناشه‌فافی دۆسێی نه‌وت و گازه، كه ئیداره‌یێكی سه‌رنه‌كه‌وتوو بۆ ئه‌و دۆسێیه كراوه".
سەرچاوە: تۆڕی هەواڵی سلێمانی
کۆدی هەواڵنێر: 60113
Your Comment