به‌پێی هه‌واڵی کوردپرێس، عه‌باس محه‌مه‌د ئه‌ندامى ئه‌نجومه‌نى پارێزگاى هه‌ولێر له فراكسیۆنى كۆمه‌ڵى ئیسلامى وتی: "ڕووداوه‌كانى ئه‌مدواییه‌ى هه‌رێم ده‌یسه‌لمێنن له كوردستاندا هێز و ده‌سه‌ڵاتێک هه‌یه به ته‌شهیر كردن و تۆمه‌ت به‌خشینه‌وه كێشه و ناكۆكییه‌كه ناوخۆیییه‌كان یه‌كلایی ده‌كاته‌وه."
ناوبراو وتیشی: "كۆمه‌ڵى ئیسلامى له سه‌ره‌تاى دامه‌زراندنیه‌وه ئه‌ندامانى دوچارى گوشار و ده‌ستگیركردن و ڕاوه‌دوونان ده‌بنه‌وه و تا ئێستا زیاتر له هه‌زار و 700 ئه‌ندامیان ده‌ستگیر كراوه و دواتر ئه‌ستۆپاک ده‌رچوون."
عه‌باس محه‌مه‌د ئه‌ندامى ئه‌نجومه‌نى پارێزگاى هه‌ولێر له فراكسیۆنى كۆمه‌ڵى ئیسلامى له به‌شێكى دیكه‌ى وته‌كانیدا ئاماژه به‌وه ده‌کات: "ئه‌و سێ كه‌سه‌ى په‌لامارى بیناى پارێزگاى هه‌ولێریان داوه به هیچ شێوه‌یێک په‌یوه‌ندییان به كۆمه‌ڵى ئیسلامییه‌وه نییه و سه‌رجه‌م ئه‌و تۆماتانه‌ى ده‌خرێنه پاڵ حزبه‌كه‌مان ته‌نها فشارن."
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment