به‌پێی هه‌واڵی کوردپرێس، ڕۆژی هه‌ینی 27ی ته‌مووز مه‌سروور بارزانی ڕاوێژکاری ئه‌نجومه‌نی ئاسایشی هه‌رێمی کوردستان له‌گه‌ڵ میرا ڕیکادێل جێگری ڕاوێژکاری ئه‌نجومه‌نی ئاسایشی نیشتمانیی ویلایه‌ته یه‌کگرتوووه‌کانی ئه‌مریکا له کۆشکی سپی بۆ تاوتوێ کردنی چه‌ندین پرس کۆ بوونه‌وه.
مه‌سروور بارزانی له‌باره‌ی پێکهێنانی حکوومه‌تی نوێی عێراقدا ڕوونی کرده‌وه هه‌رێمی کوردستان چاوی له به‌شداری کردنه له حکوومه‌تێک که بنه‌ماکانی یه‌کڕیزی، هاوسه‌نگی و شه‌راکه‌تی ڕاسته‌قینه‌ی تێدا پارێزراو بێت ئه‌مه‌ش وه‌ک داخوازییێکی گه‌لی کوردستان و به پشت به‌ستن به ده‌ستوور.
هه‌روه‌ها مه‌سروور بارزانی و ڕیکادێل باسیان له پشتیوانیی به‌رده‌وامى هه‌رێمی کوردستانیان بۆ ئاواره‌کان به گشتی و کریستیان و ئێزدییه‌کان به‌تایبه‌تی کرد که ئێستا به‌هۆی ناسه‌قامگیریی دۆخی ناوچه‌که ڕوویان له هه‌رێمى کوردستان کردوووه.
سه‌رچاوه: Kurdistan TV
کۆدی هه‌واڵنێر: 60103
Your Comment