بەپێی هەواڵی کوردپرێس، علی ڕەوف غەفور، بەڕێوەبەری گشتیی گەشتوگوزاری سلێمانی رایگەیاند: لە ماوەی ٦ مانگی ڕابردووی ئەمساڵ زیاتر لە ٧٠٠ هەزار گەشتیار ڕوویان لە سنووری پارێزگای سلێمانی کردووە و لەو ڕێژەیەش ٨٥% لە شارەکانی ناوەڕاست و باشووری عێراقەوە گەشتەکانیان ئەنجامداوە.

بەڕێوەبەری گشتیی گەشتوگوزاری سلێمانی ئاماژە بەوە دەکات، ڕێژەی گەشتیارانی هاتوو لە بازگە و دەروازەی سنووری و فڕۆکەخانەوە لە ٦ مانگی پێشووتر ئاستێکی باشی تۆمار کردوە و هەروەک داهاتی ئەو کەرتە چەندین خاوەنکاری لە ئیفلاس بوون و بێکاری پاراستووە و ڕۆڵی بەرچاوی هەبووە لە بوژانەوەی بازاڕ بەگشتی.

لە بارەی هۆکاری سەردانی کردن و هەڵبژاردنی سلێمانی لەلایەن گەشتیارانەوە وتی: سەقامگیریی ئەمنی و سروشتی جوان و لەباریی هاوینە هەوار و سەیرانگاکان و کێبڕکی دابەزاندنی نرخ و بوونی ژماریەک مۆڵی گەورە و زۆری ژمارەی خاوەن مۆڵەتە گەشتیاریەکان و هەروەها ڕێزگرتنی میوانان دەبینێتەوە.

بەڕێوەبەری گشتی گەشتوگوزاری سلێمانی پێشبینی ئەوە دەكات، لە شەشە مانگی ئایندەدا ئەگەر باردۆخی تەندروستی و بە تایبەت کۆرۆنا جێگیر بێت، گەشتیارێکی زیادتر ڕوو بکاتە پارێزگای سلێمانی.

کۆدی هەواڵنێر: 60113