کوردپرێس:

پەرلەمانی ئەڵمانیا یاسایێکی پەسەند کرد کە بە گوێرەی یاساکە بەکارهێنانی ئاڵا و هێماکانی پەکەکە لەو وڵاتە قەدەغە دەبێت.

ئاژانسی هەواڵی ئەلجەزیرە لەو بارەیەوە ڕایگەیاند بە قەناعەتی یەکێتیی ئەورووپا، پەکەکە دامەزراوەیێکی تیرۆریستییە و پەرلەمانی ئەڵمانیا یاسایێکی پەسەند کرد کە بە گوێرەی یاساکە هەر دامەزراوەیێک لە ڕوانگەی یەکێتیی ئەورووپاوە تیرۆریستی بێت بەکارهنێانی هێماکانیان قەدەغە دەبێت.

پەرلەمانی ئەڵمانیا لە یاسا نوێکەیدا بەکارهێنانی ئاڵا و هێماکانی پەکەکە و چەند دامەزراوەی دیکەی قەدەغە کردووە و هۆکارەکەشی ئەوە بووە کە لایەنگرانی چەند گرووپی جیاوازی بیانی لەو وڵاتە تێکهەڵچوونی توندوتیژانەیان بوو.

شایانی باسە یاسای تێپەڕێندراوی پەرلەمانی ئەڵمانیا پێویستە لە ئەنجومەنی باڵا یان بۆندسراتی ئەڵمانیاش پەسەند بکرێت.