بەپێی هەواڵی کوردپرێس، هێزەکانی سووریای دیموکرات (هەسەدە) لە ڕاگەیەنراوێکدا بڵاوی کردەوە، هێزەکانیان 4 تیرۆرست لە کەمپی هۆل دەستگیر کردووە کە هەڵسابوون بە ئەنجامدانی تاوانی کوشتنی 3 کەس کە لەنێویاندا ژنێک هەبووە.

لە ڕاگەیەنراوەکەدا ئەوەش خراوەتەڕوو، سەرجەم تاوانباران هەڵگری ڕەزگەنامەی عێراقین و لە دوای هەڵمەتەکانی باغۆز لەساڵی 2019 وەک سڤیل دزەیان کردووەتەوە ناو کەمپی هۆل.

جێی ئاماژەیە، ڕۆژی 1ی ئەم مانگە هێزەکانی سووریا دیموکرات لە شارۆچکەی جەدید عکیدات لە ڕۆژهەڵاتی پارێزگای دێرەزوور ئەندامانی شانەیێکی تیرۆریستانی داعشیان دەستگیر کردووە کە بەزۆر پارەیان لە هاووڵاتیان سەندووە و خستوویانەتە بری زەکات، چوارشەممەی ڕابردووش ئەو هێزانە لە شارۆچکەی شحیل لە ڕۆژهەڵاتی پارێزگای دێرەزوور 3 تیرۆریستی داعشیان دەستگیرکردبوو.

سەرچاوە: خەڵک

کۆدی هەواڵنێر: 60113