بەپێی هەواڵی کوردپرێس، غوڵامحسێن موحسینی ئیژەیی، لەسەرەتای سەردانەکەیدا بۆ پارێزگای کوردستان لە فڕۆکەخانەی سنە، وتی: سوپاسی خودا دەکەم کە توانیومە سەردانی ئەم ناوچە سەرسەوزە بکەم کە خاوەنی خەڵکێکی دڵسۆز و پاک و خاوێنە، خەڵکێکی خاوەن فەرهەنگ و هونەر و ئەدەب کە لە هەر چواردا دەیەی ڕابردووی سەرکەوتنی شۆڕشی ئیسلامیدا بە دڵسۆزی و بە ڕۆحی بەزەیی و پێکەوەژیانەوە ژیاون.
ناوبراو ئاماژەی بەمەش دا: یەکێک له ئامانجەکانی ئەم گەشتهی ئەمڕۆمان ئەوەیە کە لە ئاستی تواناماندا خزمەتی ئەم خەڵکە باشە بکەین و سەردانی چەند بشێک لە دەزگای دادی کوردستان بکەم و کێشەکان ببینم و چارەسەریان بکەین.
سەرۆکی دەزگای دادی ئێران ڕاشیگەیاند: چەند پرسێک لە کوردستاندا هەن، بەتایبەت لە بواری ئابوورییەوە، کە لە ساڵی ڕاگرتنی هەڵاوسان و گەشەی ئابووریدا دەبێت لە ئاستی تواناماندا بە یارمەتیی ئەنجومەنی نوێنەران و دەوڵەت چارەسەریان بکەین.
موحسینی ئیژەیی درێژەی دا: هەوڵ دەدەین لەم سەفەرەدا تا دەتوانین لەگەڵ خەڵک دابنیشین و لە نزیکەوە پێشنیار و ڕەخنە و کێشەکانیان چارەسەر بکەین.
Your Comment