بەپێی هەواڵی کوردپرێس، زاهیر سارایی لەم بارەوە وتی: "مەتەڵەێل مەردم ئیلام" کۆمەڵە چیرۆکێکە کە خوداداد ئیبراهیمی لە حیکایەت و چیرۆکە فۆلکلۆرییە کۆنەکانی ئیلام وەریگرتووە و نووسیویەتی و پێیدا چۆتەوە".
ناوبراو وتیشی: ئە کتێبە جگە لە دەقە فارسییەکەی، وەرگێڕانێکی کوردیش تێیدا هاتووە کە نێعمەتۆڵڵا داوودیان نووسیویەتی. واتا ئەم بەرهەمە کتێبێکی دووزمانەیە کە بە ئامانجی ناساندنی میراتی ئەدەبی زارەکی و فۆلکلۆری ئیلام نووسراوە.
ناوبراو زیاتر ڕوونی کردەوە: خوداداد ئیبراهیمی ئەزموونی چیرۆکنووسیی خۆی لەم کتێبەدا نمایش کردووە و بە دووبارە بونیاتنانەوەی چیرۆکە کۆنەکان،تونیویەتی لە شێوازێکی نوێدا پێشکەشی نەوی ئەمڕۆی ئیلام و زۆرینەی کورد زمانەکانی بکات.
"مەتەڵەێل مەردم ئیلام" لە 150 لاپەڕەدا چاپ کراوە و ئێستا لە دەزگای چاپ و پەخشی زانادا بەردەستە و لە چەند ڕۆژی داهاتوویشدا لە کتێبفرۆشییەکان بەردەست دەبێت.
Your Comment