کوردپرێس:

ئامینە عومەر، هاوسەرۆکی ئەنجوومەنی سووریای دیموکرات له‌باره‌ی هێرشی شه‌وی ڕابردووی چه‌كدارانی سه‌ر به‌ توركیا ڕایگه‌یاند، "رووسیا گوشار دەخاتە سەر هەسەدە بۆ ئەوەی عەین عیسا رادەستی حکوومەتی سووریا بکات"، هاوكات ڕووسیا به‌ به‌رپرسیاری ئه‌و هێرشانه‌ی توركیا ده‌زانێت.

بەوتەی ئامینە عومەر رووسیا ئەرکی خۆیی جێبەجێ نەکردووە بۆ پاراستنی عەین عیسا و راگرتنی هێرشەکانی تورکیا، هەربۆیە بە بەرپرسیاری دەزانێت لە هێرشەکان.

شه‌وی ڕابردوو چه‌كداره‌كانی سه‌ر به‌توركیا له‌ عه‌ین عیسا هێرشیانكرده‌ سه‌ر هێزه‌كانی سوریای دیموكرات (هه‌سه‌ده‌)، پێشتریش توركیا هه‌ڕه‌شه‌ی ئه‌نجامدانی ئۆپه‌راسیۆنی نوێی سه‌ربازیی له‌ ڕۆژئاوای كوردستان كردبوو.