کوردپرێس:
بەپێی ئاژانسی بروکسێل تایمز، لیژنەی یەکێتیی ئەورووپا ڕایگەیاند بەشێک لە یارمەتییە پەسەندکراوەکەی سووریا دەنێرێتە باکووری ڕۆژهەڵاتی سووریا کە ناوچەی ژێردەسەڵاتی کوردەکانە.
لیژنەی یەکێتیی ئەورووپا ڕۆژی چوارشەمەی ئەم هەفتەیە جەختی کردەوە کە 20 لە سەدی پارەی 130 ملوێن دۆلاری کە بۆ یارمەتیدانی سووریا پەسەندکرابوو تەرخانی دەکات بۆ ناوچەی ژێردەسەڵاتی کوردەکانی سووریا بەڵام بە شێوەی ڕاستەوخۆ پێوەندیی لەگەڵ ئەو بەشەی سووریا نیە.
دپڵۆماتێکی یەکێتیی ئەورووپا بە برۆکسێل تایمزی وتووە ڕێڕەوەی سنووریی یەعروبیەی عێراق بەستراوە و تەنها ڕێڕەوەکانی ژێردەسەڵاتی تورکیا کراوەن.
لیژنەی یەکێتیی ئەورووپا نەیگوتووە کە نیازیەتی بە چ شێوەیێک ئەو یارمەتییانە بە دەستی کوردەکانی سووریا بگەیێنێت.
Your Comment