کوردپرێس:
كۆمسیۆنی باڵای مافه‌كانی مرۆڤی عیراق لەبارەی خۆپیشاندانەکانی چەند شارێکی هەرێمی کوردستانەوە بەیاننامەیێکی بڵاو کردەوە و له به‌یاننامه‌كەیدا ڕایگەیاند، به‌دواداچون بۆ ڕووداوه‌كانى خۆپیشاندانه‌كانى پارێزگاى سلێمانى ده‌كات، كه به‌هۆى دواكه‌وتنى مووچه‌ى فه‌رمانبه‌رانه‌وه سه‌ریهه‌ڵداوه.
ڕوونیش كراوه‌ته‌وه، ژماره‌یێک كوژراو و بریندار له ریزه‌كانى خۆپیشانده‌ران و هێزه ئه‌منییه‌كاندا تۆمار كراون، به‌جۆرێك تائێستا 8 كوژراو و 54 بریندار له‌نێوان رۆژانی 3-9ی 12 تۆماركراون، هه‌ندێك له خۆپیشانده‌ران باره‌گا حزبیه‌كان و دامه‌زراوه‌كانى ده‌وڵه‌تیان سوتاندوه، لایه‌نه په‌یوه‌ندیداره‌كانیش تۆڕه كۆمه‌ڵایه‌تییه‌كانیان بڕیوه و كه‌ناڵێكى ئاسمانى داخراوه، هه‌روه‌ها لایه‌نه ئه‌منیه‌كان قه‌ده‌غه‌ى هاتوچۆیان راگه‌یاندوه.
كۆمسیۆنی باڵای مافه‌كانی مرۆڤی عیراق جه‌خت له مافى ئازاى راده‌ربڕین و خۆپیشاندانى ئاشتیانه ده‌كاته‌وه و داواش له هه‌ردوولا ده‌كات خۆیان به‌دوربگرن له توندوتیژى، هه‌روه‌ك داوا له حكومه‌تى فیدراڵی و هه‌رێم ده‌كات كێشه‌كانیان چاره‌سه‌ربكه‌ن و وه‌ڵامى خۆپیشانده‌ران بدرێته‌وه.
Your Comment