«بێریڤان حەسەن» ئەندامی دەستە سەرۆکایەتیی پەیەدە (PYD) و هاوسەرۆکی ئەم حیزبە لە ناوچەی فورات لە گفتوگۆ لەگەڵ کوردپرێسدا ئاماژەی دابە هێرشی تۆپخانەیی ئەمدواییەی تورکیا بۆسەر عەین عیسا کە بووە هۆی کوژرانی منداڵێک و وتی: تورکیا واز لە هەڵمەتە پاوانخوازەکانی خۆی هەڵناگرێت و هەردەم مەترسیێک بۆ سەر ناوچەکە دروست دەکات.
ناوبراو ئاماژەی دابە بەیاننامەی ئەمدواییەی هێزەکانی سووریای دیموکراتیک لەبارەی ئەگەری هێرشی دووبارەی تورکیا بۆ سەر باکووری سووریا و ڕایگەیاند: دوور نییە تورکیا جارێکی دیکە هێرش بکاتەوە سەر کوردستانی سووریا و تورکیا وڵاتێکی دەستدرێژیکەرە کە پێبەندی هیچ ڕێککەوتنێک نییە.
بێریڤان حەسەن وتیشی: دەوڵەتی تورکیا لە ڕابردوویشدا دەریخستووە کە دەستدرێژیکارە و لەماوەی چەند ڕۆژی ڕابردوودیشدا بە بۆردوومان کردنی عەین عیسا جارێکی دیکە خانەوادەیێکی تری ئازیەتبار کرد.
کۆدی هەواڵنێر: 60113
Your Comment