کوردپرێس:
سەڵاحەدین دەمیرتاش هاوسەرۆکی پێشووی پارتی دیموکراتیکی گەلان لە پەیامێکدا بە بۆنەی زەمینلەرزە بەهێزەکەی ئیزمیرەوە سەرەخۆشیی لە بنەماڵەی قوربانیان کردووە و نووسیویەتی: «نزا و دۆعای ناخی دڵی منت لەگەڵ ئیزمیر!. بۆ ئەو هاووڵاتییانەی لە ڕووداوەکەدا بوونەتە قوربانی لای خوای مەزن نزای لێخۆشبوونیان بۆ دەکەم. هیچم لە دەست نایەت جگە لەوەی خۆم بە شەریکی خەم و ئازاریان بزانم. زۆر دڵگرانم.»
شایانی باسە دوایین ئاماری ڕاگەیێندراو لەبارەی ژمارەی قوربانیانی بوولەرزەکەی ئیزمیر گەیشتە 83 کوژراو و 1000 بریندار.
Your Comment