کوردپرێس:

ڕۆژی دووشەمە 12ی تشرینی یەکەمی 2020 وەزارەتی تەندروستیی حکوومەتی هەرێمی کوردستان نوێترین ئامارەکانی لەبارەی کۆرۆناوە بڵاو کردەوە و بەو پێیەش لە ماوەی 24 کاتژمێری ڕابردوودا 720 هاووڵاتیی دیکەی هەرێمی کوردستان تووشی کۆرۆنا بوون و کۆی گشتیی تووشبووان گەیشتە 56 هەزار و 465 کەس.

هەر بە گوێرەی ئامارەکەی وەزارەتی تەندروستی هاوکات 396 تووشبووى دیکەى کۆرۆنا چاک بونەتەوە و 26 کەسیش گیانیان لەدەست داوە.

بەوپێیە، داتاى ڤایرۆسى کۆرۆنا لە هەرێمى کوردستان گەیشتوەتە 56465 حاڵەتى توشبون و لەو ژمارەیەش 2018 کەس گیانیان لەدەست داوە و 35276 کەسیش بەیەکجارى چاک بوونەتەوە.