بەپێی هەواڵی کوردپرێس، سەعید خەتیب زادە، گوتەبێژی وەزارەتی دەرەوەی ئێرانەوە بڵاوی کردووە، فواد حوسێن، وەزیری دەرەوەی عێراق، لە دیداری ئەمڕۆیدا بۆ تاران جیا لە کۆبوونەوە لەگەڵ محەمەدجەواد زەریف وەزیری دەرەوەی ئیران، لەگەڵ چەند بەرپرسێکی دیکەی ئیرانیش کۆ دەبێتەوە.

بەپێی هەمان سەرچاوە لەم سەردانی فواد حوسێن وەزیری دەرەوەی عێراق بۆ تاران، پەرەدان بە پێوەندییەکانی نێوان بەغدا و تاران و بەدواداچوون بۆ ڕێککەوتن و گرێبەستەکانی پێشوو و گۆڕانکارییە ناوچەیی و نێودەوڵەتییەکان، لەو تەوەرانەن باسیان لەبارەوە دەکرێت.

ئەم سەردانەی فواد حوسێن بۆ ئێران، دوای ئەوەی پۆستی وەزیری دەرەوەی وەرگرتووە، یەکەم دیدارییە بۆ کۆماری ئیسلامیی ئێران.

کۆدی هەواڵنێر: 60113