کوردپرێس: نوێنەرایەتیی دەزگای لووتکە لە ئەورووپا لە ڕاگەیەنراوێکدا ئاماژە بۆ ئەوە دەکات، یەختێک بە زیاتر لە 80 سەرنشینەوە لە نێوان تورکیا و یۆنان و لە نزیک دورگەی کریت ژێر ئاو کەوتووە، لای خۆشیانەوە پۆلیسی دەریاوانی یۆنان بە پەلە گەیشتوونەتە سەر ڕووداوەکە و توانیویانە 57 کۆچبەر ڕزگار بکەن.

ئاشکراشی کرد، بەپێی زانیارییە سەرەتاییەکان 4 تەرم دۆزراونەتەوە کە دوو ئافرەت و دوو منداڵی تەمەن 6 و 7 ساڵانن.

ڕوونیشیکردەوە، کۆچبەرەکان کورد، ئەفغانی، پاکستانی، بەنگلادیشی و سۆماڵین و تا ئێستا تەواوی ژمارەی کۆچبەرەکان ئاشکرا نەکراوە و هێزی دەریاوانی تا ئێستا لە شوێنی ڕووداوەکە بەردەوام دەگەڕێن بە دوای کۆچبەری دیکەدا.

کۆدی هەواڵنێر: 60113