کوردپرێس:
بە گوێرەی ئەو زانیارییانەی لە سەرچاوە ئەمنییەکانەوە دەست کەوتوون سوپای تورکیا لە نزیک چیای زاویەی سەر بە باشووری ئیدلیب بنکەیێکی سەربازیی نوێی دامەزراندووە.
بەپێی نووسراوی ئاژانسی Peyamakurd هێزەکانی سوپای تورکیا بە کەرەستەی بیناسازی و بە ئوتومبیلی زرێپۆش بە کاروانێکی گەورە بەرەو گوندەکانی بیلیۆن و عەرنابە جووڵەیان کردووە و لە ناوچەی باشووری خۆرئاوای گوندەکان کە دەگاتەوە چیای زاویە، بنکەیێکی سەربازیی نوێیان کردۆتەوە.
سوپای تورکیا بە مەبەستی فراوان کردنی دەسەڵاتی سەربازیی خۆی لە ناوچەکە و پتەوکردنی بارەگاکانی دەستی کردووە بە کەندنی خەندەقی گەورە گەورە لە دەوروبەری بنکە سەربازییەکە و دەستیشی کردووە بە گواستنەوەی کاروانە سەربازییەکانی خۆی بۆ ئەو ناوچەیە.
Your Comment