کوردپرێس:

گۆڤاری فۆرین پۆلسی کوردەکانی عێراق بە یەک لە ڕوکنە سەرەکییەکانی پشتگری کردنی مستەفا کازمی دەزانێت و نووسیویەتی کورد بەو مەرجە بۆ هەمیشە پشتگیری لە کازمی دەکات کە ڕێککەوتنێکی هەمیشەیی لەگەڵ بەغدا واژۆ بکرێت.

گۆڤارەکە ئاماژەی بەوەش کردووە کە خاڵی گرینگ لای کورد ئەوەیە کە بۆ هەمیشە موناقەشەکانی لەگەڵ بەغدا لە سەر مەسەلەی بودجە چارەسەر بکرێت و ببێتە شەریکێکی جێ متمانە بۆ کوردەکان. لەم حاڵەتەدا کوردەکانیش پشتگیریی زیاتر بۆ سەرۆکوەزیرانی عێراق دەدرەبڕن.

گۆڤارەکە جەختیشی کردۆتەوە کە سەرۆکوەزیرانی نوێی عێراق بۆ سەرکەوتنی خۆی پێویستی بە کورد هەیە. ڕێککەوتنی ئێستای بودجە ڕێککەوتنێکی کاتییە و ئەگەر لەگەڵ کوردەکان نەگاتە ڕێککەوتن چاوەڕوانی ئەوە ناکرێت کە پشتگیریی کورد لە کازمی بەردەوام بێت.