کوردپرێس:

وەزارەتی بەرگریی تورکیا لە بەیاننامەیێکی فەرمیدا ڕایگەیاند هێزی ئاسمانیی ئەو وڵاتە بە فڕۆکەی جەنگی هێرشی کردۆتە سەر ناوچەی زاپ لە هەرێمی کوردستان و لەو هێرشەشدا 4 ئەندامی پەکەکە کوژراون.

بەگوێرەی نووسراوی ئاژانسی هەواڵی هابەر 7 وەزارەتی بەرگریی تورکیا لە بەیاننامەکەیدا ئەوەشی نووسیوە کە ئوپەراسیۆنەکانی سوپای تورکیا لە باکووری عێراق بە ڕژدی بەردەوامە و تا یەک ئەندامی پەکەکە لەو ناوچەیە مابێت ئوپەراسیۆنەکان بەردەوام دەبێت.