بەپێی هەواڵی کوردپرێس، لە کۆبوونەوەکەدا باس له‌دواین پێشهاته‌کانی په‌یوه‌ندیی نێوان هه‌رێم و به‌غدا و هه‌وڵه‌کان بۆ گه‌یشتن به چاره‌سه‌ری کێشه‌کانی نێوانیان کرا، گه‌یشتن به ڕێکه‌وتنێکی دادگه‌رانه به‌باشترین بژارده هه‌ژمار کرا، یه‌ک گوتاریی هه‌رێمی کوردستانیش به فاکته‌ری گه‌یشتن به چاره‌سه‌ر زانرا.
لەبەشێکی دیکەی راگەیەندراوەکە هاتووە، له‌لای خۆیه‌وه، عه‌لی باپیر رایگه‌یاندووه: له‌پێناو چاره‌سه‌ری کێشه‌کانی نێوان هه‌رێم و به‌غدا، پێویسته هه‌رێم په‌ند له‌ڕابردوو وه‌ربگیرێت و گوتاری سیاسیی له‌سه‌ر بنچینه‌ی دادگه‌ریی یه‌کبخات، بۆ به‌ده‌ست هێنانی مافه‌کانی تێبکۆشێت.
ئه‌وه‌ش خراوه‌ته‌ڕوو، "به‌شێکی دیکه‌ی کۆبوونه‌وه‌که‌ی نێوان ئه‌میری کۆمه‌ڵ و نوێنه‌ری نه‌ته‌وه یه‌کگرتووه‌کان بریتیی بوو له باسی تۆپبارانی گونده‌کانی سه‌ر سنووری هه‌رێمی کوردستان و چاره‌سه‌ری کێشه‌کان به پێویست زانرا".
کۆدی هەواڵنێر: 60113
Your Comment