بەپێی هەواڵی کوردپرێس، گوته‌بێژی ئۆپراسیۆنه هاوبه‌شه‌كانی سوپای عێراق، لیوا ته‌حسین خه‌فاجی رایگه‌یاندووە له‌گه‌ڵ پێشمه‌رگه گه‌یشتووینه‌ته رێككه‌وتن بۆ دامه‌زراندنی سه‌نته‌ری هاوبه‌ش به مه‌به‌ستی دابین كردنی ئاسایشی ئه‌و ناوچانه‌ی كه خاڵیین له هێزی پاسه‌وانی هه‌رێم و هێزه‌كانی ئیتیحادی.
ته‌حسین خه‌فاجی گوتیشی: له كۆبوونه‌وه‌مان له‌گه‌ڵ پێشمه‌رگه رێككه‌وتووین هه‌موو ئه‌و ئاسته‌نگه ئه‌منییانه نه‌هێڵین كه تیرۆریستان سوودیان لێ وه‌رده‌گرن.
گوته‌بێژی ئۆپراسیۆنه هاوبه‌شه‌كانی سوپای عێراق روونیشی كرده‌وه، ده‌نگۆی ئه‌وه بڵاو بووه‌ته‌وه كه تیرۆریستان له سووریاوه به‌ره‌و عێراق دزه ده‌كه‌ن، به‌ڵام مه‌ترسییه‌كه‌یان به‌و راده‌یه نییه و جێی نیگه‌رانییێكی زۆر نییه، چوونكه فه‌رمانده‌یی ئۆپراسیۆنه هاوبه‌شه‌كان توانای راوه‌دوونانی تیرۆریستانی هه‌یه.
کۆدی هەواڵنێر: 60113
Your Comment