بەپێی هەواڵی کوردپرێس، لە كۆبوونەوەكەدا هەردوولا تیشكیان خستە سەر دۆخی سیاسی و ئابووریی عێراق و لێكەوتەكانی پەتای ڤایرۆسی كۆرۆنا و جەختیان لە گرنگی و پێویستیی هاوكاری و هەماهەنگیی هەموو لایەنە عێراقییەكان بۆ تێپەڕاندنی قەیرانەكان كردەوە.
لە كۆبوونەوەكەدا، نێچیرڤان بارزانی سەرۆكی هەرێمی كوردستان، جەختی لە ئامادەیی هەرێم بۆ چارەسەركردنی كێشەكان لەگەڵ حكوومەتی فیدراڵ لە چوارچێوەی دەستووردا كردەوە و ئاماژەی بە گرنگیی ڕۆڵی نەتەوە یەكگرتووەكان لە عێراق و چارەسەركردنی كێشەكان كرد.
دەستبەكاربوونی كابینەی تازەی حكوومەتی عێراقی فیدراڵ بە سەرۆكایەتیی مستەفا كازمی و كێشەكانی هەرێمی كوردستان و حكوومەتی فیدراڵ و دیالۆگ و هەوڵەكان بۆ چارەسەركردنیان لەسەر بنەمای دەستوور، تەورێكی تری كۆبوونەوەكە بوو.
کۆدی هەواڵنێر: 60113
Your Comment