بەپێی هەواڵی کوردپرێس، بەرهەم یاڵح سەرۆک کۆماری عێراق، پەیامێکی لەبارەی کردەوە تیرۆرستیەکەی گوندی دارای کاکەییەکانی قەزای خانەقین بڵاو کردەوە و رایگەیاند: بەداخەوەم کە وا جارێکی دیکە گەل و کەسوکاری ئێمە کاکەییەکان دەکرێنەوە ئامانجی تیرۆرستانی داعش، ئەمەش نیشانەی ئەوەیە کە ئەو هێزە دڕندە و تاوانکارە، تا ئێستاش نمونەیێکی بەرجەستەی مەترسیدارە لەسەر نیشتمانەکەمان.

بەرهەم ساڵح ڕاشیگەیاندوە: "ئەوەی لێرەدا پێویستە، چڕکردنەوەی هەوڵەکانە بۆ پشتیوان کردنی هێزە ئەمنیەکان، لە سوپا و پێشمەرگە و حەشد، بۆئەوەی بتوانن درێژە بەجەنگی تیرۆریزم بدەن".

هەروەها لە پەیامەکەیدا، سەرۆک کۆماری عێراق ئاماژەی بەوەش کردووە، "هاوبەشی قوڵی کەسوکاری قوربانیانین و هاوخەمین لەگەڵیاندا، پێیان دەڵێین، خوێنی پڕ بەهای رۆڵەکانمان لەبیر ناکەین".

شایانی باسە شەوی شەممە ژمارەیێک لە چەکدارانی رێکخراوی داعش هێرشیان کردە سەر گوندی دارای قەزای خانەقین و بەوهۆیەشەوە، دوو هاوڵاتی کوژران کە کوڕ و باوکێک بوون، هاوکات دوو کەسی دیکەش برینداربون کە سەرجەمیان کاکەیی بوون.

کۆدی هەواڵنێر: 60113