بەپێی هەواڵی کوردپرێس، بە گوێرەی راگەیێراوێک کە لەلایەن وەزارەتی دەرەوەی رووسیا بڵاوکراوەتەوە، بە مەبەستی تاوتوێ کردنی ئەو پرسانەی لە رۆژەڤدان، ئەمڕۆ یەکشەممە 2020/06/14 لاڤرۆڤ و شۆیگۆ لە ئیستەنبووڵ دەبن و لەگەڵ هاوتا تورکەکانیان کۆ دەبنەوە.

لە راگەیێنراوەکەدا هاتووە، لە چوارچێوەی رێککەوتنی نێوان ڤلادیمیر پووتین، سەرۆکی رووسیا و رەجەب تەیب ئەردۆغان، سەرۆککۆماری تورکیا، رۆژی 14ی حوزەیرانی 2020 سێرگی لاڤرۆڤ وەزیری دەرەوە و سێرگی شۆیگۆ وەزیری بەرگریی رووسیا بە یاوەری شاندەکانی سەر بە وەزارەتەکانیان بۆ تاوتێ کردنی پرسەکانی ناوچەکە سەردانی تورکیا دەکەن.

بە گوێرەی زانیارییەکان شاندی رووسیا و تورکیا لە کۆبوونەوەکەیاندا دوایین پێشهاتەکانی ئیدلب و لیبیا تاوتوێ دەکەن.

کۆدی هەواڵنێر: 60113