کوردپرێس:

مەزڵووم کۆبانێ فەرماندەی گشتیی هێزەکانی سووریای دیموکرات لە لێدوانێکدا ئاماژەی بە پڕۆسەی دانووستانی نێوان پارتی یەکێتیی سووریای دیموکرات (PYD) و ئەنجومەنی نیشتمانیی کوردی سووریا (ENKS) کردووە و دەڵێت: "یکگرتنی کورد زۆر سەختە چوونکە دەسەڵاتە بیانییەکان دەوری خراپ لەم یەکگرتنەدا دەبینن بەڵام بۆ سەرکەوتن هەوڵ دەدەین ئەو دانووستانەی بۆ یەکگرتن دەستمان پێکردووە بە پشتگیریی وڵاتی پشتیوان (ئەمریکا و دیکەی دەسەڵاتە جیهانییەکان) دەستەبەر ببێت.

بە گوێرەی نووسراوی ئاژانسی هەواڵی KRDnews، مەزڵووم کۆبانێ لە درێژەی لێدوانەکەیدا ئەوەشی گوتووە کە تا ئێستا لە سەر بونیاتنانی سیاسەتێکی هاوبەش لە نێوان هەردوولا گەشتووینەتە ڕێککەوتن هەوڵەکانیش بەردەوام دەبن. دیالۆگی نێوان کوردەکان شاکلیلی دەستەبەربوونی چارەسەری قەیرانی سووریا دەبێت."