کوردپرێس:
ئيواره‌ى ڕۆژی دووشه‌ممه 2021/5/3 نێچيرڤان بارزانى، سه‌رۆکى هه‌رێمى کوردستان له هه‌ولێر پێشوازیى له محه‌مه‌د حه‌لبووسى، سه‌رۆکى ئه‌نجومه‌نى نوێنه‌رانى عێراق کرد.
له کۆبوونەوەیێکدا دۆخى عێراق به‌گشتى، هه‌ڵبژاردنه‌کانى داهاتووى عێراق و پێشبينييه‌کان بۆ نه‌خشه‌ى سياسيى داهاتووى وڵات، په‌يوه‌ندييه‌کانى هه‌ولێر ـ به‌غدا، مه‌ترسييه‌کانى داعش و جموجووڵه‌کانى، هاريکارى و هه‌ماهه‌نگيى نێوان لايه‌نه‌کان له‌پێناو ئارامى و سه‌قامگيريدا، دۆخى ناوچه‌که و چه‌ند پرسێکى ديکه تاوتوێ کران.
هه‌ردوولا کۆک بوون له‌سه‌ر پێويستى و گرنگيى کارى پێکه‌وه‌يى و نيشتمانيى هه‌موو ده‌سه‌ڵاته‌کان و لايه‌ن و پێکهاته‌کانى وڵات بۆ رووبه‌ڕووبوونه‌وه‌ى ته‌حه‌دييه‌کان و تێپه‌ڕاندنى کێشه و قه‌يرانه‌کان و پاراستنى يه‌کڕيزى و ته‌بايى له‌پێناو ئارامى و سه‌قامگيريى وڵاتدا، هه‌روه‌ها هيوايان خواست ئه‌نجامى هه‌ڵبژاردنه‌کانى داهاتوو، وه‌ڵامده‌ره‌وه‌ى چاوه‌ڕوانييه‌کانى هاووڵاتيان بێت له سه‌قامگيرى، خزمه‌تگوزارى و ژيان و داهاتوویێکی باشتر.
Your Comment