«شیار ئازاد» هەواڵنێری سووری دانیشتووی قامیشلوو لە گفتوگۆ لەگەڵ ئاژانسی کوردپرێسداد ئاماژەی دا بە ڕێککەوتنی نهێنیی ئەمدواییەی ئەمریکا و ڕووسیا لەسەر دابەش کردنی کوردستانی سووریا بە دوو قەڵەمڕەوی جیاواز و وتی: ئەمریکا و ڕووسیا لەبارەی دامەزراندنی بنکە و ئامادەبوون لە ناوچە جیاجیاکانی سووریا لەگەڵ یەک ڕێککەوتوون.
ناوبراو ئاماژەی دا بە ناکۆکیی نێوان ئەو دوو وڵاتە لەسەر بە یەک گەیشتی کاروانە سەربازییەکانیان لە ناوچەکانی باکووری سووریا و زیاتر وتی: دروستە کە ئەم دوو لایەنە هەندێک جار ڕێگا لەسەر یەکتر دادەخەن بەڵام بەپێی ڕێککەوتنە نێهنییەکەیان شوێن و قەڵەمڕەوی هەریەکەیان دیاری کراوە.
شیار ئازاد ئاشکراشی کرد ئەمریکا وڕووسیا هەریەکەیان لە چەند شار ئامادە دەبن واتا ئەمریکا لە شاری دیرک لە ڕۆزهەڵاتی کوردستانی سووریا تا قامیشلۆ و لە قامیشلۆوە بەرەو ناوەندی باشووری ڕۆژهەڵاتی ناوچەکە و شارەکانی حەسەکە، شەدادی و ڕەقە تێدەپەڕن و ڕووسیاش لە تەل تەمەر و تا قامیشلۆ و کۆبانی و مەنبج بنکەکانی جێگیر دەکات.
کۆدی هەواڵنێر: 60113
Your Comment