بەپێی هەواڵی کوردپرێس، سەلاحەدین دەمیرتاش هاوسەرۆکی پێشووی پارتی دیمورکراتیکی گەلان HDP لە زیندانی ئەدیرنەوە نامەیێک ئاراستەی شوان پەروەر هونەرمەندی بەناوبانگی کورد دەکات و ڕێز لە هەوڵەکانی دەگرێت بۆ یەکڕیزی و یەکخستنی کورد.
دەمیرتاش لە نامەکەدا وێڕای ڕێزگرتن لە هەنگاوەکانی شوان پەروەر لە گۆڕانکارییەکانی ئەمدواییەدا، داوا لە دیکەی هونەرمەندان دەکات بۆ یەکڕیزیی کوردەکان هەوڵبدەن.
لە نامەکەی دەمیرتاشدا هاتووە: «بڕوام وایە ئەم پڕۆسە دژوارە بە ڕۆحی یەکێتی و یەکڕیزی تێدەپەڕێت. سوپاسی تۆ؛ هونەرمەندی بەڕێز دەکەم بەبۆنەی هەڵمەتەکانت بۆ یەکگرتنی کوردەکان. هیوادارم ئەو هەڵمەتە ماندوونەناسانەتان درێژەی هەبێت. لە ڕێگای ئێوەوە سڵاوی هەموو هونەرمەندان دەکەم و بەهیوای دیدار لە ئایندەیێکی ئازاددا».
کۆدی هەواڵنێر: 60113
Your Comment