بەپێی هەواڵی کوردپرێس، ڕۆژی هەینی 8ی ئاداری 2020 فەخرەدین کۆجا وەزیری تەندروستیی تورکیا لە لێدوانێکیدا دوایین ئامارەکانی لەبارەی کۆرۆناوە لەو وڵاتە بڵاو کردەوە و ڕایگەیاند لە ماوەی 24 کاتژمێری ڕابردوودا 57 هاووڵاتیی تورکیا بە هۆی کرۆناوە گیانیان لە دەست داوە و هەروەها هەزار و 977 حاڵەتی نوێی تووشبوون بە کۆرۆنا تۆمار کراوە؛

ناوبراو زیادی کرد: بەمەش کۆی گشتیی قوربانیانی کۆرۆنا لە تورکیا گەیشتە 3 هەزار و 641 کەس و کۆی گشتیی تووشبووان گەیشتە 133 هەزار و 731 حاڵەت.

وەزیری تەندروستیی تورکیا ئەوەشی ئاشکرا کرد کە لە ماوەی 24 کاتژمێری ڕابردوودا 4 هەزار و 917 هاووڵاتی لە ڤایرۆسەکە ڕزگاریان بووە و بەوەش کۆی ئەو کەسانەی لە پەتاکە چاک بوونەتەوە دەگاتە 78 هەزار و 202 کەس.

کۆدی هەواڵنێر: 60101