بەپێی هەواڵی کوردپرێس، دابان محەمەد ئەندامى پەرلەمانى کوردستان لە فراکسیۆنى گۆڕان رایگەیاند "ژماره‌ی ئه‌و مووچه‌خۆرانه‌ی زاراوه‌ی بندیواریان بۆ به‌کار ده‌هێنرێت، 350 هه‌زار که‌س به‌ره‌و ژووره.
ناوبراو دەڵێت: ئه‌و 200 هه‌زاره‌ی که قوباد تاڵه‌بانی باسی ده‌کات، ته‌نها له سیستمی بایۆ مه‌تریدایه، که خۆی سه‌رپه‌رشی ده‌کرد و ملیۆنان دۆلاری تێدا خه‌رج کرد! زۆر زیاتر له‌و ژماره‌یه بندیوار هه‌یه".
دابان مەحەمەد ئاماژە بەوەش دەکات، 430 هه‌زار مووچه‌خۆر له‌سه‌ر وه‌زاره‌تی پێشمه‌رگه هه‌یه. ئه‌و که‌سانه‌ی که له لیوای هاوبه‌شن و هاوپه‌یمانان سه‌رپه‌رشتی ده‌که‌ن، زۆریان مووچه‌خۆرن له هێزه‌کانی پێشتر که له یه‌که‌ی 70 و 80 بوون. ئه‌و فه‌وج و لیوایانه‌ی له به‌غدادن له هه‌رێم مووچه خۆرن، ده‌یان هه‌زار که‌س له ئێستادا به‌هۆی کۆچ کردنیان ڕیزه‌کانی یه‌که‌ی 70 و 80 و هێزه ئه‌منیه‌کان جێهشتیوه، به ئێستاشه‌وه مووچه‌خۆرن! زانیاری له‌سه‌ر داتا و ئامار و ورده‌کاری ئه‌م دوو هێزه، ته‌نانه‌ت لای وه‌زاره‌تی دارایش نیه، به بلۆک و به گوێنی ( گونیه)، پاره‌یان بۆ ده‌برێت.
ئەو پەرلەمانتارەى گۆڕان دەشڵێت جێگری سه‌رۆکی حکوومه‌ت به ده‌ق وتوویه‌تی: کۆمه‌ڵی ئیسلامی و یه‌کگرتووی ئیسلامی، خه‌ڵکیان دامه‌زراندووه و بندیواری زۆریان هه‌یه، بۆ کۆکردنه‌وه‌ی ده‌نگ له هه‌ڵبژاردنه‌کاندا، ئه‌م قسه‌یه بۆ ته‌نز بوبێت، یان بۆ وه‌لێمی په‌رله‌مانتاره‌کانی ئه‌و دوو هێزه که له‌و دانیشتنه‌دا بوون، بێ ویژدانیێکی گه‌وره‌یه. ( ئه‌ندامی سه‌رکردایه‌تی هه‌یه 500 پاسه‌وانی هه‌یه، مه‌لای ئاینی هه‌یه 15 پاسه‌وانی هه‌یه) لانی که‌م بندیواره‌کانی پارتی و یه‌کێتی به‌قه‌د ئه‌و دوو هێزه لێبکه‌ن، خه‌ڵک سوپاس گوزار ده‌بێت.
دابان محەمەد جەختیش دەکاتەوە، هۆکاری نه‌دانی مووچه، ته‌نها به‌غداد نیه، که خه‌ریکی ڕاهێنانی مووچه‌خۆرن له‌سه‌ر ئه‌و تۆنه به‌ڵکوو:
* دوو به‌شی فه‌رمانبه‌ران که به 50 ڕۆژ جارێک موچه‌ش وه‌رناگرن، باجی سه‌دان هه‌زار، له هه‌وادار و کادر و خه‌ڵکی حزبی و نا موسته‌حه‌ق ده‌ده‌ن که بندیواری پارتی و یه‌کێتین.
*باجی سه‌دان ملیۆن دۆلار، گه‌نده‌ڵی و دزی و به‌فیڕۆدانی داهاتی نه‌وت ده‌ده‌ن، له‌ژێر ناوی گومرگی تورکیا، کرێی بۆری کۆمپانیای کار و خه‌رجی حکومه‌ت بۆ لایه‌نی دیکه.
*باجی سه‌دان کۆمپانیای حزبی و به‌رپرسی حزبی ده‌ده‌ن که سه‌ریان کردووه به داهاتی ناوخۆدا و مانگانه ده‌یان ملیۆن دۆلار ده‌به‌ن.
*باجی جێبه‌جێ نه‌کردنی یاسایی چاکسازی ده‌ده‌ن، که په‌رله‌مان ده‌ریکردوه. له ئه‌نجومه‌نی وه‌زیرانه و ده‌ستی ده‌ستی پێده‌کرێت.
*باجی جێبه‌جێ نه‌کردنی بڕیاره‌کانی خودی حکوومه‌ت ده‌ده‌ن، که هێشتا له دۆلابی ئه‌نجومه‌نی وه‌زیراندایه.
کۆدی هەواڵنێر: 60113
Your Comment