به‌پێی هه‌واڵی کوردپرێس، ڕۆژی سێشه‌ممه 23ی ته‌مووز تاریق نووری به‌ڕێوه‌به‌ری ئاسایشی گشتیی ھه‌ولێر به میدیای فه‌رمیی پارتی دیموکراتی کوردستانی ڕاگه‌یاندبوو که سه‌لیم شوشکه‌یی "داعشه" و له ده‌ستی یاسا "ھه‌ڵھاتوووه".
سه‌لیم شووشکه‌یی له ڕاگه‌یه‌نراوێکدا که که‌ناڵی په‌یامی سه‌ر به کۆمه‌ڵی ئیسلامی بڵاوی کردوووه‌ته‌وه ڕای‌گه‌یاندوووه: "سه‌باره‌ت به لێدوانی به‌ڕێوه‌به‌ری ئاسایشی ھه‌ولێر گوایه به‌نده فه‌رمانی ده‌ستگیر کردنی ھه‌بێت و له ترسی دادگا ڕامان کردبێت بۆ ڕای گشتی ڕایده‌گه‌یه‌نین که: ئێمه باوه‌ڕمان به دادگایێکی سه‌ربه‌خۆی بێلایه‌ن ھه‌یه و ئاماده‌ین له به‌رامبه‌ری بوه‌ستین و ڕێز له بڕیاره‌کانی بگرین."
ھه‌روه‌ھا جه‌ختی کردوووه‌ته‌وه: "ئه‌و لێدوانه‌ی به‌ڕێوه‌به‌ری ئاسایشی ھه‌ولێر له کاتێکدایه ماوه‌ی چوار ساڵه ئه‌ندامی خولی سێھه‌می په‌رله‌مانی عێراقین و سه‌رکه‌وتووی خولی چواره‌مین و لای ھه‌موو لایێک ئاشکرایه به‌شێک له دادگانی ھه‌رێم له کاتی ململانێیه سیاسییه‌کاندا بێلایه‌نی خۆیان له ده‌ست ده‌ده‌ن و بۆ ساغکردنه‌وه‌ی ململانێی سیاسی به‌کار ده‌ھێنرێن ھه‌ربۆیه زۆر به توندی ئه‌و ئه‌تۆمه‌تانه ڕه‌ت ده‌که‌مه‌وه و به ھه‌وڵێکی ده‌زانم بۆ ناشیرین کردنی که‌سایه‌تیم و ده‌مێکه ھه‌وڵی ناشیرین کردنمان ئه‌ده‌ن به‌ڵام سوپاس بۆ خوا گه‌لی کوردستان له‌وه ھۆشیارتره به درۆ ده‌له‌سه‌کانیان باوه‌ڕ بکات. داواکارم له خودا ئه‌من و ئاسایشی وڵاتمان بپارێزێ و ناحه‌زانیش ریسوا بکات".
سه‌لیم شووشکه‌یی ئاماژه‌ی به‌وه‌ش کردوووه: "ئێمه پێمان وایه ئه‌و جۆره ھه‌وڵانه زیان به پڕۆژه‌ی کاری ھاوبه‌شمان ده‌گه‌یه‌نێت و ھیچ گومانی تێدا نییه ھه‌ر که‌سێک له ئه‌لفوبای یاسا بزانێ له‌و ڕاستییه تێده‌گات که ھه‌ر که‌س په‌یوه‌ندیی به ھه‌ر گرووپێکی تیرۆریستییه‌وه ھه‌بێت ناتوانێت کاندیدی په‌رله‌مان بێت و و ڕه‌زامه‌ندیی خه‌ڵک به‌ده‌ست بێنێت".
سه‌رچاوه: خه‌ندان
کۆدی هه‌واڵنێر: 60103
Your Comment