بەپێی هەواڵی کوردپرێس، بەرپرسانی بەڕێوەبەرایەتیی خۆسەر لە کانتۆنی کۆبانی ئەمڕۆ لە پرێس کۆنفرانسێکدا ڕایانگەیاند: ڕووسیا و ئەمەریکا بەرپرسی هێرشە ئاسمانییەکانی تورکیان بۆسەر ناوەندە مەدەنییەکانی شاری کۆبانی.

ئەمڕۆ 29ی ئاپریلی 2020 بەرپرسانی کانتۆنی کۆبانی لە کۆنفرانسێکی ڕۆزنامەوانیدا وێڕای ئیدانە کردنی هێرشە ئاسمانییەکانی تورکیا ڕایانگەیاند ئەمریکا و ڕووسیا بەرپرسی هێرشەکانن.

محەمەد شاهین سەرۆکی ئەنجومەنی جێبەجێکاری ناوچەی فۆرات لەو کۆنفرانسەدا ڕایگەیاند: هێرشەکانی تورکیا بۆسەر کوردستانی سووریا ڕانەگیراون، بەتایبەت ئەم هێرشانە لە سنووری نێوان تورکیا و سووریا کە هێزەکانی سووریای دیموکرات بەپێی ڕێککەوتنی نێوان ڕووسیا و تورکیا لێی کشانەوە بەدرەوامە.

محەمەد شاهین ڕاشیگەیاند بەڕێوەبەرایەتیی خۆسەر داوای لە ڕووسیا کردووە هەڵویستی خۆی لەسەر ئەو هێرشانە ڕابگەیێنێت، ناوبراو وتیشی: لایەنی ڕووسی ڕەتیان کردۆتەوە ئاگاداری ئەو هێرشانە بن و بڕیاریان داوە پاش بەدواداچوونەکانیان هەڵویستی خۆیان ڕوون بکەنەوە و لە چەند کاتژمێری داهاتوودا وەڵامەکەی ڕووسیا دەگاتە بەڕێوەبەرایەتیی خۆسەر.

شایانی باسە بەرەبەیانیی دوێنێ 28ی ئاپریل فڕۆکەیێکی بێ فڕۆکەوانی تورکیا بە دوو مووشەک ناوەندی هێزەکانی ئاسایشی شاری کۆبانی-ی کردە ئامانج کە خەساری مادیی لێکەوتەوە.

کۆدی هەواڵنێر: 60113