به‌پێی هه‌واڵی کوردپرێس، جاسم محه‌مه‌د جه‌عفه‌ر به هه‌واڵده‌ریی مه‌علوومه‌ی وت: ده‌بێ ده‌وڵه‌تی فیدڕاڵ له زووترین کاتدا به ئامانجی دامڕکاندنی تووڕه‌یی خه‌ڵک و له ڕێگای جێبه‌جێ کردنی پڕۆژه‌ی به‌په‌له و باشتربوونی ئاستی خزمه‌تگوزاری له پارێزگاکانی باشوور و ناوه‌ڕاست وه‌ڵامی داواکاریی خه‌ڵک بداته‌وه.
ناوبراو ئاماژه به‌وه ده‌کات که هه‌ندێک له حیزبه سیاسییه‌کان هه‌وڵه‌کانیان چڕ ده‌که‌نه‌وه بۆ دزه‌کردنی ئه‌ندامانیان له خۆپیشاندانه‌کان و هه‌لقوستنه‌وه‌ی دۆخه‌که به مه‌به‌ستی پشێوی‌نانه‌وه و ڕووخانی به ته‌واوه‌تی سیسته‌می سیاسی و له‌ناوبردنی عێراق.
جاسم محه‌مه‌د جه‌عفه‌ر جه‌خت ده‌کاته‌وه هێرشی خۆپیشانده‌ران بۆ سه‌ر فڕۆکه‌خانه، به‌نده‌ر و ناوچه بازرگانی و ستراتێژیکه‌کان له پارێزگاکانی باشوور و ناوه‌ڕاستی عێراق پیلانێکی گه‌وره له وڵات دێته ئه‌ژمار.
کۆدی هه‌واڵنێر: 60103
Your Comment