به‌پێی هه‌واڵی کوردپرێس، سه‌عید مه‌موزینی به‌رپرسی راگه‌یاندنی لقی 14ی پارتی له مووسڵ سه‌باره‌ت به دۆخی ئه‌منیی پارێزگاكه و مه‌ترسیی سه‌رهه‌ڵدانه‌وه‌ی داعش وتی: "به‌هۆی نه‌بوونی هێزی پێشمه‌رگه، هاتنه‌ئارای خۆپیشاندانه‌كانی باشوور و ناوه‌ڕاستی عێراق و بێ‌تواناییی هێزه عێراقییه‌كان له دابین كردنی ئاسایش و ئارامی، مه‌ترسیی سه‌رهه‌ڵدانه‌وه‌ی داعش له‌ئارادایه."
ناوبراو وتیشی: "به‌هۆی ئه‌و مه‌ترسییانه‌وه به‌شێک له‌و خه‌ڵكه‌شی پێشتر گه‌ڕابوونه‌وه سه‌ر زێد و ماڵ و حاڵی خۆیان، له ئێستادا ده‌یانه‌وێت جارێكی‌تر ڕوو بكه‌نه‌وه هه‌رێمی كوردستان."
به‌رپرسی راگه‌یاندنی لقی 14ی پارتی سه‌باره‌ت به‌و ڕێگرییانه‌ی له به‌رده‌م گه‌ڕانه‌وه‌ی پێشمه‌رگه بۆ ناوچه جێناكۆكه‌كان له‌ئارادان وتی: "پێشمه‌رگه به‌پێی ڕێككه‌وتنێک كشاوه‌ته‌وه و بۆ گه‌ڕانه‌وه‌شی پێویسته ڕێككه‌وتن بكرێت."
بڕواشی وایه پێشمه‌رگه به بێ شه‌ڕ سه‌رجه‌م ئه‌و ناوچانه ئازاد ده‌كاته‌وه كه پێشتر له كه‌ركووكه‌وه تا شنگال لێیان كشابوووه‌وه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment