به‌پێی هه‌واڵی کوردپرێس، ئه‌کره‌م که‌ره‌م ئۆکتای ڕاوێژکاری باڵای که‌ماڵ قلیچدارئۆغڵۆ سه‌رۆکی CHP بۆ کاروباری دارایی ده‌ستله‌کارکشانه‌وه‌ی له‌ پۆسته‌که‌ی پشتڕاست ده‌کاته‌وه‌ و ده‌ڵێت: ئه‌مڕۆ سیسته‌می تورکیا گۆڕانی به‌ سه‌ردا هاتوووه‌. بۆ ئه‌وه‌ی که‌ دیموکراسی به‌هێز بێته‌وه‌ ده‌بێ پارتی کۆماریخوازی گه‌لیش بگۆڕدرێت. جارێکی دیکه‌ ده‌بێ ئۆمید به‌ گه‌له‌که‌مان بده‌ین و جووڵه‌ به‌ره‌و ده‌سه‌ڵات ده‌ست پێبکه‌ین.

ناوبراو له‌ درێژه‌ی لێدوانه‌کانیدا وتیشی: ئێمه‌ باوه‌ڕمان به‌وه‌ هه‌یه‌ که‌ ده‌توانین بۆ گه‌یشتن به‌ دیموکراسی ده‌سه‌ڵاتێکی نوێمان هه‌بێت و هه‌ر به‌پێی ئه‌و باوه‌ڕه‌ نامه‌ی پێکهێنانی کۆنگره‌ی تایبه‌ت بۆ دیاری‌کردنی سه‌رۆکی نوێی CHPم واژۆ کرد و دوا به‌ دوای ئه‌و بابه‌ته‌ش له‌ پۆستی ڕاوێژکاری باڵای سه‌رۆکی CHP بۆ کاروباری دارایی و جیهان کشامه‌وه‌.

سه‌رچاوه‌: هه‌واڵده‌ریی هابر 7

کۆدی هه‌واڵنێر: 60103