بەپێی هەواڵی کوردپرێس، به‌گوێره‌ی راگه‌یه‌ندراوێكی مه‌كته‌بی سیاسی یه‌كێتی له هه‌ولێر، له‌باره‌گای مه‌كته‌بی سیاسی له شاری به‌سه‌رپه‌رشتی ده‌رباز كۆسره‌ت ره‌سوڵ كارگێڕی مه‌كته‌بی سیاسی و به‌ئاماده‌بوونی بورهان سه‌عید سۆفی ئه‌ندامی مه‌كته‌بی سیاسی، كۆبونه‌وه‌ی ئه‌ندامانی سه‌ركردایه‌تی سنووری پارێزگای هه‌ولێر به‌ڕێوه‌چوو، له كۆبونه‌وه‌كه‌دا گفتوگۆكرا له‌باره‌ی دۆخی كوردستان و په‌یوه‌ندی نێوان لایه‌نه سیاسییه‌كان و ئاماده‌كاری بۆ هه‌ڵبژاردنی پێشوه‌ختی په‌رله‌مانی عێراق.
له‌كۆبوونه‌وه‌كه ده‌رباز كۆسره‌ت ڕه‌سوڵ ڕایگه‌یاند، هه‌ولێر بایه‌خێكی تایبه‌تی هه‌یه، بۆئه‌مجاره یه‌كێتی نیشتمانی كوردستان به گڕوتینێكی جیاوازه‌وه خۆی بۆ هه‌ڵبژاردنه‌كان و كێبڕكێی به‌ده‌ستهێنانی زۆرترین كورسی ئاماده ده‌كات.
هه‌ر له كۆبوونه‌وه‌كه‌دا سه‌رجه‌م به‌شداربووانی كۆبوونه‌وه‌كه را و سه‌رنجی وردی خۆیان خسته‌ڕوو و چۆنیه‌تی جیاوازی بازنه‌كانی هه‌ڵبژاردن و مامه‌ڵه‌كردن له‌گه‌ڵیان خسته‌ڕوو.
کۆدی هەواڵنێر: 60113
Your Comment