به‌پێی هه‌واڵی کوردپرێس، عه‌لی به‌دیری له گفتوگۆ له‌گه‌ڵ هه‌واڵده‌ریی مه‌علوومه‌دا په‌نجه‌ی تۆمه‌ت به‌ره‌و حیزبه سیاسییه دۆراوه‌کانی هه‌ڵبژاردن درێژ ده‌کاته‌وه بۆ په‌ره‌پێدان به خۆپیشاندانه ناڕه‌زایییه‌کانی خه‌ڵک له پارێزگاکانی باشووری عێراق و ده‌شڵێت: له‌وه‌ته‌ی هه‌ندێک له سه‌رکرده‌ی خۆپیشانده‌ران ژماره‌یێک که‌سایه‌تیی نفووزییان له ناو خۆپیشانده‌راندا بینیوه له خۆپیشاندان پاشگه‌ز بوونه‌ته‌وه.
به‌دیری وتیشی: حیزبه سیاسییه دۆڕاوه‌کانی هه‌ڵبژاردن نه‌یتوانیوه به بیانووی ته‌زویر و ساخته‌کاری له هه‌ڵبژاردن و داوای خزمه‌تگوزاریی باشتر خه‌ڵک بورووژێنن.
ناوبراو ئاشکراشی کرد: خۆپیشاندانه‌کان له ناوچه‌گه‌لێکی دیاری‌کراودا ده‌ستی پێکرد و ئه‌گه‌ر ده‌وڵه‌تی فیدڕاڵ داوای خۆپیشانده‌ران جێبه‌جێ بکات خۆپیشاندانه‌کان کۆتایی پێدێت.
کۆدی هه‌واڵنێر: 60103
Your Comment