به‌پێی هه‌واڵی کوردپرێس، فاتیح ئیسماعیل ئه‌حمه‌د به‌ڕێوه‌به‌ری گشتیی ڕاگه‌یاندن و په‌یوه‌ندییه‌كانی كۆمپانیای نه‌ورۆز تیلیكۆم به SNNی ڕاگه‌یاند: ڕاگرتنی هێڵه‌كانی ئینته‌رنێت و تۆڕه كۆمه‌ڵایه‌تییه‌كان له‌سه‌ر داواكاریی ئێمه نه‌بوووه به‌ڵكوو به بڕیاری حكوومه‌تی عێراق و به هه‌ماهه‌نگی له‌گه‌ڵ وه‌زاره‌تی گواستنه‌وه و گه‌یاندنی هه‌رێم بوووه ئه‌گه‌رنا ئێمه كێشه‌مان له دابین كردنی خزمه‌تگوزارییه‌كان نییه.
ناوبراو سه‌باره‌ت به قه‌ره‌بووكردنه‌وه‌ی به‌شداربوووانیش له‌و ماوه‌یه‌ی كه خزمه‌تگوزارییه‌كان ڕاگیراون وتی: "ئێمه له هه‌موو هاوبه‌شه‌كانمان زیاتر نیگه‌رانین چوونكه سیستمه‌كانمان سه‌رجه‌میان له كاردان و به هیچ شێوه‌یێک له‌گه‌ڵ ئه‌و بڕیاره‌دا نین و به زۆر به سه‌رماندا سه‌پێندراوه و له ئێستاشدا هێڵه‌كانی ئینته‌رنێت كراونه‌ته‌وه و ته‌نها تۆڕه كۆمه‌ڵایه‌تییه‌كان له‌سه‌ر داوای ئه‌نجومه‌نی وه‌زیرانی عێراق ڕاگیراوه".
فاتیح ئیسماعیل جه‌ختیشی كرده‌وه كه كۆمپانیاكانی ئینته‌رنێت به‌رپرس نین له ڕاگرتنی تۆڕه كۆمه‌ڵایه‌تییه‌كان و ڕایگه‌یاند: له سه‌رووی ده‌سه‌ڵاتی ئێمه‌وه‌یه و هیچ په‌یوه‌ندیشیمان پێوه‌ی نییه.
کۆدی هه‌واڵنێر: 60103
Your Comment